Fason pou enskri nan yon plan Medicaid

Lè se pou enskri nan yon plan Medicaid, gen 2 etap prensipal. Premyèman, w ap gen pou w soumèt yon aplikasyon bay ajans Medicaid nan Eta w la. On fwa yo apwouve aplikasyon w lan, dezyèm etap la se pou chwazi plan sante Medicaid ou vle a. Anjeneral, Eta yo ofri 2, 3 oswa menm plis plan sante Medicaid pou w chwazi nan yo. Pafwa yon Eta ka enskri moun otomatikman nan yon plan Medicaid. Men, si sa rive, ou ka anmezi pou chanje. (Gade plis enfòmasyon sou enskripsyon otomatik anba a.)

Pou wè plan Medicaid UnitedHealthcare ki disponib(yo) kote w ap viv la, chèche dapre kòd postal ou. Nan paj "Detay Plan" an, w ap jwenn tou yon lyen ki mennen nan sitwèb ajans Medicaid Eta ou a.

Chak Eta egzije enfòmasyon diferan pou ranpli yon aplikasyon pou Medicaid. Ou dwe prè pou bay enfòmasyon tankou:

Enfòmasyon pèsonèl

• Enfòmasyon sou tout moun ki nan kay la (non, dat nesans, ak nimewo Sekirite Sosyal)
• Prèv sou sitwayènte

Enfòmasyon finansye

• Enfòmasyon sou lwaye oswa ipotèk
• Depans (sèvis piblik, gadri, elatriye)
• Enfòmasyon sou machin
• Etadkont labank
• Revni (souch chèk pewòl)
  

Enfòmasyon medikal

• Prèv sou andikap oswa dosye medikal ki montre yon pwoblèm medikal ki la lontan
• Bòdwo medikal ki resan
  
  

Ou ka enskri nan Medicaid nenpòt lè pandan ane a. Sa vre tou pou pwogram asirans sante timoun yo (Children’s Health Insurance Program, CHIP). Si w te gen chanjman nan lavi w, tankou ou marye oswa ou al abite nan yon lòt Eta, ou ta ka kalifye pou Medicaid epi ou dwe aplike touswit. Fanm ansent yo dwe aplike dèke yo dekouvri sa. Kouvèti gwosès Medicaid disponib pou ede kenbe oumenm ak tibebe w la an sante pandan tout gwosès ou ak pi lwen. Nouvone ou a pral enskri otomatikman nan Medicaid tou.

Apre ou premye enskri kòm yon nouvo manm Medicaid, anjeneral ou pral gen 90 jou pou chanje plan ou a. Si w pa chwazi yon plan sante, Eta w la ap ba w yon plan. Apre sa, manm Medicaid yo ka chanje plan sante yo sèlman yon fwa pa ane. Ajans Medicaid ou a ap fè w konnen kilè w ka chanje kouvèti w la.

Enskripsyon otomatik (yo rele tou afektasyon otomatik) se lè yon Eta afekte otomatikman yon gwoup moun nan yon plan Medicaid byen presi. Sa ka rive si yon konpayi asirans sante sispann ofri yon plan Medicaid nan yon sèten zòn. Oswa lè yon nouvo plan sante vin disponib. Si yo mete yon moun otomatikman nan yon plan epi li deside li ta prefere yon plan Medicaid diferan, li pral gen 90 jou pou l chanje.

Manm Medicaid ak CHIP dwe renouvle kouvèti yo chak ane. Se fason sa Eta yo verifye si manm enskri yo ranpli toujou kondisyon yo pou yo jwenn avantaj Medicaid yo. Pwosesis sa a rele tou resètifikasyon Medicaid. Kèk moun rele li re-enskri nan Medicaid tou.

Pandan pandemi COVID-19 la, egzijans pou renouvèlman Medicaid la te sispann tanporèman. Men, apati avril 01, 2023, Eta yo te kòmanse fè revizyon kalifikasyon anyèl pou Medicaid ak CHIP yon lòt fwa ankò.
 

Sèvi ak kòd postal ou pou jwenn yon plan Medicaid UnitedHealthcare nan zòn ou an. Nan paj "Detay Plan an", w ap wè lis konplè avantaj yo, plis lòt avantaj ki gen valè ajoute* ou ka jwenn sèlman nan men UnitedHealthcare. On fwa ou jwenn plan ou vle a, klike sou bouton "Etap pou enskri” an. Sa ap mennen w nan yon paj ki gen machaswiv byen presi ak enfòmasyon kontakte pou w aplike pou kouvèti Medicaid nan Eta w la.

*Avantaj yo, karakteristik yo ak/oswa aparèy yo varye selon plan an/zòn lan. Limit, esklizyon ak/oswa restriksyon pou rezo ka aplike. Avantaj OTC yo gen delè ekspirasyon. Rele plan ou an oswa konsilte Prèv Kouvèti Asirans ou (EOC) pou plis enfòmasyon.