Ale nan kontni prensipal la
Kontni Prensipal

UnitedHealthcare Community Plan — Indiana PathWays for Aging

Medicaid

Indiana PathWays for Aging se yon pwogram kouvèti asirans sante Indiana pou Hoosiers ki gen laj 60 lane oswa plis ki kalifye pou Medicaid. Rechèch yo montre pifò granmoun aje - 75% oswa plis - vle vyeyi lakay yo ak nan kominote yo. Indiana PathWays for Aging rann li posib pou Hoosiers yo vyeyi fason pa yo. Plan nou an ofri plis chwa pou moun jwenn nivo swen etablisman swen enfimye lakay oswa nan yon anviwònman kominotè, pandan y ap viv yon fason endepandan. Remake ke yon mezon retrèt ta ka bon chwa a pou kèk moun. 

FSSA te fè yon kontra avèk UnitedHealthcare pou administre pwogram Indiana PathWays for Aging an. UnitedHealthcare se plan sante w. 

  • UnitedHealthcare Community Plan — Indiana PathWays for Aging Etap pou Enskri
  • Verifye Kalifikasyon (louvri yon fenèt modal)

Jwenn founisè yo ak kouvèti asirans pou plan sa a.

Jwenn yon Founisè

Jwenn founisè swen, lopital, sante konpòtmantal ak lòt espesyalis.

Gade Lis Medikaman yo

Chèche medikaman plan sa a kouvri.

Jwenn yon Famasi

Chèche yon famasi ki toupre w.

Jwenn Sipò pou Sante Konpòtmantal

Chèche pou founisè ak resous nan sante konpòtmantal.

Jwenn yon Pwofesyonèl Swen Zye

Jwenn yon sant vizyon.

Chèche yon Dantis

Chèche yon dantis ki toupre w.

Avantaj & Karakteristik

Elaji Tout

Lis verifikasyon pou nouvo manm

Si w se yon nouvo manm pwogram Indiana PathWays for Aging an, li trè enpòtan pou w konekte pandan premye 30 jou w yo. Men yon lis bagay pou fè. Lè w akonpli lis sa a, li fè nou konnen chwa ou genyen nan zafè jere sante ou:  

  1. Tcheke mesaj vwa ou epi tounen rele nou. Nou pral eseye kontakte w nan telefòn oswa an pèsòn pandan premye 4 semèn ou avèk UnitedHealthcare Community Plan. Si w pa reponn telefòn ou pou nimewo enkoni, nou konprann sa. Li lojik pou w pa fye moun k ap poze kesyon pèsonèl nan telefòn. Se poutèt sa nou ankouraje w rele nou nan 1-800-832-4643 / TTY 711. Nou ka rankontre w tou nan yon plas piblik oswa vizite w kote w ap viv la. 
  2. Fè evalyasyon bezwen sante w yo. Se yon premye etap enpòtan. Li ede w fè nou konnen kijan w ye jodi a. Rele Sèvis Manm yo nan 1-800-832-4643 / TTY 711 epi mande pou fè evalyasyon bezwen sante w yo. Si w akonpli sa a nan premye 30 jou yo, w ap kapab chwazi yon rekonpans nan katalòg rekonpans manm nou an. 
  3. Fè nou konnen kijan w vle tande nouvèl nou. Sa gen ladann opsyon kourye, imèl ak mesaj tèks. Epitou nou ka ede w fikse chwa gwo lèt, Braille, oswa lòt chwa fòma. Si English se pa lang prensipal ou, n ap voye materyèl nan lang ou a. Ou ka fè konnen preferans sa yo touswit apre ou fini ak evalyasyon bezwen sante w yo. 
  4. Chwazi yon Founisè Medikal Prensipal (PMP). Dèke ou kapab, li enpòtan pou w chwazi yon Founisè Medikal Prensipal (PMP). Sa se founisè swen prensipal ou ki wè w pou tchekòp chak ane, vizit woutin pou maladi oswa byennèt, ak iminizasyon (vaksen). Men opsyon pou w chwazi PMP ou:
    • Konekte sou pòtay manm ou nan MyUHC.com/CommunityPlan.
    • Ou ka itilize zouti rechèch founisè nou an pou wè tout founisè ki nan rezo nou an. 
    • Rele Sèvis Manm pou jwenn èd pou w twouve yon PMP. Epitou nou kapab voye yon imèl oswa voye yon lis founisè pou w chwazi nan yo. 

Epitou, ou dwe:

  • Pran yon randevou avèk PMP ou a. Ou ta dwe wè PMP ou byen vit dèke sa posib apre ou vin yon manm Indiana PathWays for Aging. 
  • Konekte avèk Kowòdonatè Swen ou. Rele Sèvis Manm pou w kòmanse. Kowòdonatè Swen ou se “moun referans ou” isit la nan UnitedHealthcare. Kowòdonatè Swen ou koute w. Li pataje opsyon ki soutni fason pa w, pou w viv lavi w fason pa w. Objektif nou se wè w ap viv ak tout endepandans ki posib, pandan tout kantite tan ki posib. 
  • Poze kesyon! Nou vle tande ou. Konekte w nan resous, pwogram, ak sèvis. Rele Sèvis Manm pou jwenn enfòmasyon sou tout diplis nou ofri isit la nan UnitedHealthcare. Nou vle fè sa a yon eksperyans bèl ak fasil pou ou. 

 

UnitedHealthcare pral ede w konprann tout kouvèti asirans sante w yo ak tout avantaj ou yo. Nou soutni kowòdinasyon tout sèvis nan kad Medicare, Medicaid, oswa asirans sante prive. Sa gen ladann Medicare tradisyonèl yo, yon plan Medicare Advantage diferan, Plan Bezwen Espesyal pou Maladi Kwonik (C-SNP), ak Plan Bezwen Espesyal Enstitisyonèl (I-SNP). 

Nou asire ke sèvis yo kouvri epi ofri pa mwayen pwogram Indiana PathWays for Aging lè manm yo kalifye alafwa pou sèvis Medicare ak Medicaid. N ap travay avèk peyè Medicare, plan Medicare Advantage, epi founisè w yo pou kowòdone swen ak avantaj yo. Nou travay ak tout ajans eta ak sèvis sosyal aplikab yo e òganizasyon kominotè yo (CBO) jan sa nesesè pou pi byen idantifye e reponn ak bezwen ni medikal ni sosyal. 

Sèvis sante mantal yo kouvri epi yo pa bezwen yon referans. Sa gen ladan vizit nan kabinè, sèvis pou pasyan entène, ak sèvis pou pasyan ekstèn. Gade manyèl manm yo pou plis detay. 

 

Chak manm UnitedHealthcare nan pwogram sa a gen yon sèl moun kòm yon pwen kontak prensipal. Se Kowòdonatè Swen an. Kowòdonatè Swen an resevwa fòmasyon pou l konprann tout pwogram, sèvis, avantaj ak kouvèti ki disponib nan Indiana. Lè manm yo pataje, Kowòdonatè Swen an koute. Yo soutni objektif yo epi elimine baryè yo. Yon Kowòdonatè Swen bay manm yo, ak moun k ap soutni yo, lapè nan tèt lè y ap navige nan sistèm swen sante a.

Swen kiwopratik kouvri avèk kèk limit. Gade manyèl manm yo pou plis detay.

Sèvis dantè woutin yo kouvri. UnitedHealthcare ofri sèvis dantè siplemantè tankou radyografi, fliyò, tretman maladi jansiv, epi vizit dantè vityèl.

Pou swen dijans, manm yo dwe rele 911 oswa ale nan sèvis dijans (ER) ki pi pre a. Pa rele nou anvan w rele 911. Transpò dijans kouvri.

Tanpri klike sou seksyon Resous Manm nan sitwèb sa a pou w aprann plis sou pwogram ak sèvis gratis nou yo. Kèk nan sa yo disponib sèlman pou manm UnitedHealthcare. 

Jiska 6 vizit woutin pou swen pye kouvri chak ane. Kèk sèvis bezwen apwobasyon alavans. Tanpri gade nan manyèl manm yo pou plis detay.

Sèvis Lakay ak nan Kominote (HCBS) gen ladan sèvis tankou sèvis lajounen pou granmoun, livrezon repa adomisil, sèvis menaj ak lòt sipò ki pèmèt ou viv ak tout endepandans ki posib, pandan tout kantite tan ki posib. Tanpri gade nan manyèl manm yo pou plis detay.

Kouvèti disponib pou ajans sante nan lakay yo pou sèvis swen enfimye kalifye ki nesesè sou plan medikal ke yon enfimye/enfimyè kalifye bay, ansanm ak sèvis èd sante nan kay. Gade manyèl manm yo pou plis detay.

Sèvis Lopital yo

Kit se pou yon pwosedi ki fèt menm jou a (pasyan ekstèn) oswa ki gen ladan yon sejou lannwit (pasyan entène), sèvis lopital yo kouvri. 

Stabilite Lojman

Nou vle manm yo ak fanmi yo benefisye lojman an sekirite ak abòdab. Nou ka ede avèk yon plan pou amelyore yon kay aktyèl oswa planifye pou demenaje nan yon lòt kay. Yon Kowòdonatè Swen pral travay pou kolekte objektif epi pataje opsyon ki reponn ak bezwen manm nou yo. 

Sipò Èd Enfòmèl

Anpil manm gen zanmi ak fanmi ki souvan ede yo oswa pran nouvèl yo. Nou gen pwogram pou ede moun ki ede manm nou yo. Pale ak yon Kowòdonatè Swen pou w aprann plis.

Swen alontèm

Swen alontèm disponib. Manm yo ak moun ki soutni yo ka pale ak yon Kowòdonatè Swen pou konprann tout opsyon ki disponib. Nou pral travay pou fikse objektif ki koresponn ak rezilta manm lan vle. Tout manm yo dwe fè depistaj epi apwouve pou swen alontèm.

Ekipman ak founiti medikal

Kouvèti disponib pou founiti, ekipman, ak aparèy medikal ki ka itilize nan kay. Yon Kowòdonatè Swen ka ede fè aranjman pou ekipman ak founiti ki nesesè yo.

Swen etablisman swen enfimye

Swen etablisman swen enfimye disponib. Manm yo ak moun ki soutni yo ka pale ak yon Kowòdonatè Swen pou konprann tout opsyon ki disponib. Nou pral travay pou fikse objektif ki koresponn ak rezilta manm lan vle. Tout manm yo dwe fè depistaj epi apwouve pou swen etablisman swen etablisman swen enfimye. Sa ka apwouve pou yon sejou dire kout oswa yon dire long.

Sèvis medikal deyò Eta a

Gen limit lè w ap resevwa sèvis deyò Indiana. Tanpri gade nan manyèl manm yo pou plis detay. Si manm yo gen yon ijans, vizite nan yon sèvis dijans kouvri.

Famasi

Medikaman preskri yo kouvri. Tout plan sante yo swiv menm règ yo konsènan medikaman ki kouvri nan kad pwogram Indiana PathWays for Aging nan. Yo itilize menm lis medikaman ki apwouve yo. Yo rele sa yon lis medikaman prefere, oswa PDL.

Vizit Founisè yo

Pifò vizit nan kabinè kouvri. Gade manyèl manm yo pou plis detay.

Redetèminasyon

Lè moman rive pou renouvle avantaj ak kouvèti asirans, yo rele sa redetèminasyon. Administrasyon Sèvis Familyal ak Sosyal (Family and Social Services Administration, FSSA) Indiana ap voye yon rapèl “Avi pou Renouvèlman” pou ou nan lapòs, ki ka mande ou enfòmasyon. Li avèk anpil atansyon machaswiv ki vini avèk fòm renouvèlman ou an. Ou ka oblije siyen fòmilè an epi voye li tounen avèk sèten enfòmasyon, oswa ou ka sèlman bezwen egzamine fòmilè an epi rapòte si gen nenpòt nan enfòmasyon yo ki te chanje ane pase. Si tout bagay kòrèk, ou p ap gen pou reponn. Ou dwe rete kalifye pou Medicaid pou ou rete nan pwogram Indiana PathWays for Aging la.

Sejou nan Sant Reyadaptasyon

Gen règ pou rete nan yon inite reyadaptasyon. Kowòdonatè Swen manm lan ka ede reponn kesyon oswa eksplike nenpòt limit oswa apwobasyon alavans ki nesesè.

Sejou reyadaptasyon yo gen dire kout. Sejou a ta ka nesesè pou rekiperasyon nan adiksyon. Epitou li ta ka yon sejou ki gen ladan terapi anrapò ak rekiperasyon fizik.

Tretman pou abi sibstans

Manm yo ka jwenn tretman rezidansyèl si yo resevwa èd akòz konsomasyon alkòl oswa dwòg. Sa gen ladan pase nwit nan yon etablisman. Kowòdonatè Swen manm lan ka ede reponn kesyon oswa eksplike nenpòt limit oswa apwobasyon alavans ki nesesè.

Sèvis Transpò

Pou manm ki pa kondi oswa ki gen pwoblèm pou jwenn yon woulib, transpò a kouvri. Manm UnitedHealthcare yo gen avantaj transpò (kous) gratis pou:

  • Yon vizit kay founisè swen oswa yon randevou pou swen sante
  • Kous nan famasi
  • Randevou ijan (sou apwobasyon) ak rndevou renouvlab
  • Randevou pou redetèminasyon kalifikasyon avèk Eta a
  • Pase pran pwovizyon manje bò twotwa oswa vizit nan bank manje
  • Klas edikasyon anrapò ak sante
  • Sant fitness lokal yo
  • Randevou nan ajans Eta a oswa konte a
  • Reyinyon libète sou kondisyon

Gen lòt opsyon ki disponib pou manm ki kalifye pou HCBS Waiver. Kous sa yo dwe fè pati plan sèvis manm lan. Kowòdonatè Swen manm lan ap asire transpò ki nesesè fè pati plan sèvis la.

Swen pou vizyon

Swen vizyon woutin yo kouvri. UnitedHealthcare ofri 1 egzamen je gratis chak ane. Nou ofri tou yon alokasyon pou pri linèt oswa vè kontak yon fwa pa ane.

Resous pou Manm

Resous pou Manm yo (louvri yon fenèt modal)

Enfòmasyon sou avètisman
(navige nan bwat sa a pou wè)

W ap chèche sitwèb Medicaid gouvènman federal la? Gade la a nan Medicaid.gov.

Plan UnitedHealthcare Dual Complete yo

Plan yo asire nan konpayi asirans UnitedHealthcare oswa nan youn nan konpayi afilye li yo, yon òganizasyon Medicare Advantage ki gen yon kontra avèk Medicare e yon kontra avèk Pwogram Medicaid Eta a. Ou ka antre nan plan an si yo renouvle kontra plan an avèk Medicare. Plan sa a disponib pou nenpòt moun ki gen Èd Medikal nan Eta a ak Medicare. Avantaj yo, karakteristik yo ak/oswa aparèy yo varye selon plan an/zòn lan. Limit, esklizyon ak/oswa restriksyon pou rezo ka aplike. Avantaj yo, prim asirans lan ak/oswa kopeman/ko-asirans lan ka chanje nan dat 1ye janvye chak ane.

Avètisman konsènan prim

Plan Doub Bezwen Espesyal yo gen yon prim $0 pou manm ki gen Èd Siplemantè (sibvansyon pou revni ki ba).

Avètisman sou avantaj yo

Avantaj yo, karakteristik yo ak/oswa aparèy yo varye selon plan an/zòn lan. Limit, esklizyon ak/oswa restriksyon pou rezo ka aplike.

Avètisman pou Liy Dirèk Enfimyè

Pinga itilize sèvis sa a pou ka ijans oswa pou bezwen swen ijan. Nan yon ka ijans, rele 911 oswa ale nan sal ijans ki pi pre a. Enfòmasyon yo bay atravè sèvis sa a se pou rezon enfòmasyon sèlman. Enfimye/enfimyè yo pa kapab fè dyagnostik pwoblèm ni rekòmande tretman epi yo pa yon ranplasman pou swen founisè swen w lan. Enfòmasyon sou sante w rete konfidansyèl selon ekzijans lalwa. Sèvis la pa yon pwogram asirans, epitou li kapab sispann nenpòt ki lè. Liy asistans enfimyè a pa pou itilize nan ka ijans, se pou bay enfòmasyon sèlman li ye.

UnitedHealthcare Connected® pou MyCare Ohio (Plan Medicare-Medicaid)

UnitedHealthcare Connected® pou MyCare Ohio (Plan Medicare-Medicaid) se yon plan sante ki gen kontra avèk alafwa Medicare ak Medicaid Ohio pou founi avantaj toulède pwogram yo pou manm enskri yo. 

UnitedHealthcare Connected® (Plan Medicare-Medicaid)

UnitedHealthcare Connected® (Plan Medicare-Medicaid) se yon plan sante ki gen kontra avèk ni Medicare ni Medicaid Texas pou founi avantaj toude pwogram yo pou manm enskri yo.

UnitedHealthcare Connected® for One Care (Plan Medicare-Medicaid)

UnitedHealthcare Connected® for One Care (Plan Medicare-Medicaid) se yon plan sante ki gen kontra avèk alafwa Medicare ak MassHealth (Medicaid) pou founi avantaj toulède pwogram yo pou manm enskri yo. 

Avètisman jeneral sou avantaj UnitedHealthcare Connected®

Lis sa a pa yon lis konplè. Enfòmasyon nou bay sou avantaj yo se yon ti rezime, men se pa yon deskripsyon konplè avantaj yo. Pou jwenn plis enfòmasyon, kontakte plan an oswa li manyèl pou manm yo. Limit, kopeman, ak restriksyon ka aplike. Pou jwenn plis enfòmasyon, rele Sèvis Manm UnitedHealthcare Connected® oswa li Manyèl Manm UnitedHealthcare Connected® lan. 

Plan UnitedHealthcare Senior Care Options (HMO SNP)

UnitedHealthcare Senior Care Options (SCO) se yon plan Swen Kowòdone ki gen yon kontra ak Medicare e yon kontra ak pwogram Medicaid Commonwealth of Massachusetts. Ou ka antre nan plan an si yo renouvle kontra plan an avèk Medicare. Plan sa a se yon pwogram volontè ki disponib pou nenpòt moun ki gen laj 65 lane oswa plis epi ki kalifye pou MassHealth Standard ak Original Medicare epi ki pa gen okenn lòt Asirans sante konplè, alesepsyon Medicare. Si ou gen MassHealth Standard, men ou pa kalifye pou Original Medicare, ou ka gen posiblite kanmenm pou w kalifye pou enskri nan plan MassHealth Senior Care Option nou an epi resevwa tout avantaj MassHealth ou yo nan pwogram Senior Care Options (SCO) nou an.

Avètisman sou klasman etwal

Chak ane, Medicare evalye plan yo dapre yon sistèm klasman avèk 5-Etwal. Klasman 5-Etwal la aplike pou ane plan an 2024.

Enfòmasyon enpòtan sou founisè

Chwa a se pou ou

Nou pral ba ou enfòmasyon ki pral ede w fè chwa enfòme, tankou kalifikasyon doktè ak pwofesyonèl swen sante. Men, enfòmasyon sa a pa yon apwobasyon aptitid yon doktè oswa pwofesyonèl swen sante presizeman pou bezwen w.

Founisè yo ki disponib pa mwayen aplikasyon sa a ka pa nesesèman montre tout posiblite rezo founisè UnitedHealthcare ki gen kontra yo. Ka gen founisè oswa sèten espesyalite ki pa nan aplikasyon sa a, men ki fè pati rezo nou an. Si ou pa jwenn founisè w ap chèche a, ou ka kontakte founisè a direktèman pou verifye eta patisipasyon li nan rezo UnitedHealthcare, oswa kontakte Sèvis Kliyan nan nimewo gratis ki endike nan kat ID UnitedHealthcare ou an. Anvan ou wè nenpòt doktè, ankontan nenpòt espesyalis, nou rekòmande tou pou ou rele klinik doktè a pou verifye eta patisipasyon ak disponiblite li.

Nou te ajoute oswa retire sèten founisè rezo nan anyè nou an apre yo fin mete anyè sa a ajou. Nou pa garanti ke chak founisè ap aksepte nouvo manm toujou.

Founisè ki pa nan rezo a/ki pa gen kontra pa anba okenn obligasyon pou trete manm ki nan plan UnitedHealthcare, sof nan sitiyasyon ijans. Tanpri rele nimewo sèvis kliyan nou an oswa gade Prèv Pwoteksyon Asirans ou pou jwenn plis enfòmasyon, ki gen ladan kotizasyon nan frè ki aplike pou sèvis andeyò rezo a.

Avi sou Lwa Anfavè Ameriken Andikape

Annakò avèk egzijans Lwa 1990 Anfavè Ameriken Andikape ak Seksyon 504 nan Lwa 1973 sou Reyabilitasyon ("ADA"), Konpayi Asirans UnitedHealthcare bay aksè konplè ak egal pou sèvis kouvri yo e li pa baze sou andikap pou fè diskriminasyon nan sèvis li, pwogram, oswa aktivite li yo kont moun ki gen andikap ki kalifye.

Rekòmandasyon

Founisè rezo yo ap ede oumenm ak manm fanmi w ki kouvri yo jwenn swen ki nesesè. Doktè swen prensipal ou ka kowòdone aksè pou espesyalis yo.

Demann anyè nan fòma papye

Kopi papye anyè founisè rezo a disponib gratis pou manm yo lè yo rele nimewo telefòn sèvis kliyan ki nan do kat ID w la. Moun ki pa manm ka telechaje epi enprime rezilta rechèch yo apati anyè anliy nan.

Enfòmasyon ki pa kòrèk

Pou rapòte enfòmasyon ki pa kòrèk, voye yon imèl bay provider_directory_invalid_issues@uhc.com. Bwat imèl sa a se pou manm yo rapòte potansyèl enfòmasyon demografik ki pa kòrèk (adrès, nimewo telefòn, elatriye) sou anyè yo ki nan fòma papye oswa elektwonik. Lè w sèvi ak bwat imèl sa a pou rapòte pwoblèm, sa pral fè yo kontakte biwo founisè a pou verifye tout done demografik anyè a, sa ki ka pran apeprè 30 jou. Moun yo kapab rapòte posiblite enfòmasyon ki pa kòrèk nan telefòn tou. Manm UnitedHealthcare yo dwe rele nimewo ki nan do kat ID yo a, epi moun ki pa manm UnitedHealthcare ka rele nan 1-888-638-6613 / TTY 711, oswa itilize sèvis relè ou prefere a.

Deklarasyon pou katastwòf oswa ijans

Si ou afekte ak yon deklarasyon katastwòf oswa deklarasyon ijans Prezidan an oswa Gouvènè a bay, oswa yon anons ijans sante piblik Sekretè Sante ak Sèvis Sosyal la bay, ou gen sèten soutyen anplis aladispozisyon ou.

  • Yo dwe bay avantaj Pati A, Pati B, ak plan siplemantè Pati C nan etablisman ki pa sou kontra yo (konnen ou dwe jwenn avantaj Pati A ak Pati B yo nan etablisman sètifye Medicare yo);
  • Lè sa aplikab, egzijans referans ki limite aksè dirèk (gatekeeper) yo anile okonplè;
  • Pataj frè andeyò rezo plan an apwouve pou montan pataj frè rezo yo redwi tanporèman; epi
  • Egzijans notifikasyon 30 jou pou manm yo anile, toutotan tout chanjman yo (tankou rediksyon pataj frè ak dispans otorizasyon) benefisye manm lan.

Si CMS pa te bay yon dat finisman pou katastwòf la oswa ijans lan, plan yo ap reprann fonksyònman nòmal yo 30 jou apre premye deklarasyon an.

Powered by Translations.com GlobalLink OneLink SoftwarePowered By OneLink